धनुषा कोरोना अपडेट : ४ जनाको कोरोना संक्रमणबाट मृत्यु, ३८ जना संक्रमित थप

पछिल्लो २४ घण्टामा धनुषामा विहिवार ३८ जनामा कोरोना संक्रमण पुष्टी भएको छ ।

जिल्ला प्रशासन कार्यालय धनुषाले उपलव्ध गराएको तथ्यांक अनुसार बुधवार सम्म धनुषामा कोराना संक्रमीतको संख्या १४८८ रहेकोमा विहिवार ३८ थप भएको छ भने हाल सम्म सक्रिय संक्रमीतको संख्या १४३४ रहेको छ भने आज धनुषामा निको हुनेमा ८८ जना रहेको तथ्यांकले देखाएको छ । त्यसैगरि आज धनुषामा कोरोना संक्रमणबाट चार जनाको मृत्यु भएको जिल्ला प्रशासन कार्यालय धनुषाले जनाएको छ । विहिवार १८४ जना ले पिसिआर परिक्षण गराएकोमा ३८ जनाको रिर्पोट पोजेटिभ आएको तथ्यांकमा उल्लेख छ ।

धनुषामा मृत्यु हुनेहरुमा क्षिरेश्वरनाथ नगरपालिका वार्ड नं ५ बस्ने ६१ वर्षिय एक पुरुष,सवैला नगरपालिका वार्ड नं ८ बस्ने ८७ वर्षिय एक महिला,जनकपुरधाम उपमहानगरपालिका वार्ड नं ४ वस्ने वर्ष ५६ को एक पुरुष र जनकपुरधामा उपमहानगरपालिका वार्ड नं १८ वर्ष ६३ को एक पुरुष रहेकोे छ भने उनीहरुको मुलुकभरि विभिन्न अस्पतालमा उपचारको क्रममा मृत्यु भएको जनाइएको छ । धनुषामा संक्रमीत मध्ये १३४५ जना होम आइसोलेसनमा उपचार गराईरहेको छ भने समान्य उपचारमा रहेका संख्या ५८ रहेको छ ।त्यस्तै आइसीयुमा उपचाररत संक्रमीतको संख्या २७ रहेको छ भने भेन्टिलेटरमा उपचारतको संख्या ४ रहेको छ । धनुषामा हालसम्म कोरोनाका कारण मृत्यु भएको संख्या ९५ रहेको छ ।

धनुषामा स्वास्थ पुर्वाधार अन्तरगत ३९ वटा अस्पतालले सेवा दिदै आएकोमा जम्म बेडको संख्या ६३२ रहेको छ । त्यस्तै आइसीयुको संख्या ८३ रहेकोमा भेण्टीलेटरको संख्या २१ रहेको प्राप्त तथ्यांकमा उल्लेख रहेको छ ।