युट्युब, टिकटकका भिडियोमा कडाइ गर्न अदालतको निर्देशन

युट्युब, टिकटक लगायतका सामाजिक सञ्जालमा राखिएका असामजिक र अराजक भिडियोमा अदालतले चासो व्यक्त गरेको छ ।

पछिल्लो समय सुर्खेतमा राउटे महिलामाथि भएको यौन दुर्व्यवहारको घटनालाई भाइरल बनाइएपछि जिल्ला अदालत सुर्खेतले सुनुवाइ सुरु नहुँदै न्यायिक सक्रियता देखाएको हो । न्यायाधीश राजेन्द्रकुमार आचार्यको इजलासले विभिन्न युट्युब च्यानलहरुले पीडितको पहिचान सार्वजनिक गराउने र अनुसन्धानका क्रममा रहेका कतिपय अवस्थालाई तोडमोड गरर मानिसमा नयाँ भाष्य सिर्जना गर्ने समाग्री तत्काल हटाउन निर्देशन दिनुभएको हो । जिल्ला अदालतले राष्ट्रिय मानवअधिकार आयोग, नेपाल पत्रकार महासंघ र जिल्ला प्रहरी कार्यालयलाई पनि ध्यानाकर्षण गराएको छ।

सुर्खेत जिल्ला अदालतले राउटे युवतीमाथि भएको यौन दुर्व्यवहारको भिडियो प्रसारण गर्ने युट्युव र साइटलाई कडाइका साथ बन्द गर्न आदेश समेत दिएको छ ।