कोरोना घटदो क्रममा छदा धनुषाबासीले मास्क लगाउने क्रमलाई कम गरेपछि धनुषामा पुनः कडाई गर्ने भएको छ । असार १ गते देखि मास्क नलगाउनेलाई ठाउकै ठाउ जरिवान तिराउने गरि कारवाही गरिने जनाइएको छ । धनुषाका प्रमुख जिल्ला अधिकारी वन्धु प्रसाद वास्तोलाले धनुषामा लगभग सवै व्यक्तीले मास्क प्रयोग गर्दै आएकोमा विगत केहि दिन देखि मास्क लगाउनेमा ३० प्रतिसत मात्रै देखिएकोले मास्क नलगाउनु भनेको आफुसंगै अरुको स्वास्थ्यमा पनि खेलवाड गर्नु सरहनै भएकोले उनले सवैलाई मास्क लगाउन आग्रह गरे ।
मास्क लगाउनाले कोरोना संक्रमणलाई न्युनिकरण तर्फ लग्नमा ८० प्रतिसतले मद्दत पुरयाउने भएकोले कोरोनाको समस्या समाप्त नभएसम्मका लागि मास्क प्रयोग गर्न का लागि सवैसंग आग्रह गर्दै उनले भने,असार १ गते देखि ठाउकै ठाउ जरिवाना लगाउने जस्तो कारवाही पुनः सुरु गर्न वाध्य हुनेछु । प्रमुख जिल्ला अधिकारी वास्तोलाले आफनो कार्यकक्षमै मधेश आवाज संग कुराकानी गर्दै निजी अस्पतालले शुल्कको विवरण अहिले सम्म नवुझाएको वताए । उनले मणिपाल शिक्षण अस्पतालमा वनिरहेको कोभिड विशेष अस्पताल संचालनका लागि अझै १० देखि १५ दिन लाग्ने वताए ।
उनले कोरोना संक्रमीतको संख्या २५ भन्दा तल नझरेसम्म वजार खोल्न नहुने माथिबाट नै निर्णय गरिएको हुनाले असार १ गते देखि वजार खुल्छ नै भन्न सकिन्न तर गृहमन्त्रालयसंंग छलफल र आएका निर्देशन अनुसारनै कार्य गरिने भएकोले अहिले नै निषेधाज्ञा समाप्त होला भन्न नसकिने उनले वताए ।
फेसबुकबाट तपाईको प्रतिक्रिया !