नेपाली महिलाहरूलाई भारतीय सेनामा भर्ती खुल्यो

नेपाली महिलाहरूलाई अबदेखि भारतीय सेनामा भर्ती हुन पाउने व्यवस्था गरिने भएको छ ।

नेपालस्थित भारतीय राजदूतावासको कल्याणकारी शाखाले सूचना जारी गर्दै नेपाली महिलाहरू पनि भारतीय सेनामा भर्ना हुन पाउने जानकारी दिएको हो। दूतावासले १० कक्षा पास गरेका, १७ वर्ष ६ महिना देखि २१ वर्षसम्मका महिलाहरूलाई भर्ती हुन आवेदन आह्वान गरेको छ । भर्ती हुन चाहने महिलाको उचाइ १५२ सेन्टिमिटर हुनुपर्ने भनिएको छ। आवेदन भने अनलाइनमार्फत् जुन ६ देखि २० जुलाई सम्ममा भर्न सकिनेछ ।

वीर नारीहरूको हकमा भने ३० वर्षसम्मको उमेरलाई छुट दिइएको छ। भूपू सैनिक, वीर नारी र विधवा सैनिकका छोरीहरूका लागि तौलमा २ किलो छुट र लिखित परीक्षामा २० अंकको बोनस जोडिने दूतावासले जनाएको छ।