मैथिल सेवा समाज कतारले सिरहाका एक ब्लड क्यान्सरका विरामी आर्थिक सहयोग उपलब्ध गराएको छ ।
विगत ३ वर्षदेखि ब्लड क्यान्सरका सिकार भई उपचार गराइरहेका रविकिशन ठाकुरको उपचारका लागी सहयोग उपलब्ध गराएको हो । नेपाली युवाहरुद्वारा संचालित अन्तर्राष्ट्रिय स्तरको उक्त संस्थाले सिरहाका सिरहा नगरपालिका–१९ सन्हैठाका रविकिशनको उपचारका लागी ६५,००० हजार रकम उपलब्ध गराएका हुन् । छोराको उपचार गराउँदा गराउँदै परिवारका आर्थिक अवस्था कमजोर भएका रविकिशनका आमालाई मैथिल सेवा समाज नेपालको आयोजनमा सो रकम प्रदान गरिएको अध्यक्ष लक्ष्मी यादवले बताए । सो रकम कतारमा काम गरिरहेका मैथिल सेवा समाज आवद्ध युवाहरु आमार सर्विस सनैया–४९ नम्बर रिपट साइडबाट चन्दा संकलन गरी पठाएका हुन् ।
मैथिल सेवा समाजका अन्र्राष्ट्रिय अध्यक्ष अशोक यादवले सहयोग गर्ने सबैमा धन्यवाद दिँदै आगामी दिनमा पनि यस्ता कार्य गर्नमा सहयोगी हातहरुलाई अझ बलियो र हौसला बुलन्द पार्न अनुरोध समेत गरे ।
फेसबुकबाट तपाईको प्रतिक्रिया !