आदित्य यादव
रौतहटको बृन्दावन नगरपालिकामा महिलाअधिकारकर्मी प्रभा सिंहको नेतृत्वमा स्थानीय महिलाहरुले तालाबन्दी गरेको छन्।
नगरपालिकाका प्रमुख प्रशासकीय अधिकृत नागेन्द्र राय यादवले नगरपालिकाका महिलाहरुमाथि अन्याय गरेको भन्दै उनीहरूले कार्यालय मुख्य गेटमै तालाबन्दी गरी धर्नामा बसेका छन् । विभिन्न पालिकाहरूमा सञ्चालन भएका दातृसंस्थाहरुलाई ५० प्रतिशत कमिसनको लोभमा पारी विभिन्न योजना तथा कार्यक्रमहरु दिने गरेको महिलाअधिकारकर्मी सिंहले बताइन् बृन्दावन नगरपालिकामा नै सञ्चालनमा रहेका संघसंस्थाहरुलाई नवीकरण गर्न दिएका छैनन् । नगरपालिकाले कसैलाई जानकारी नै नगरी कार्यालयमै अगाबै नगरसभा गरेका छन्, नगरसभामा महिलाहरूलाई समेत बेवास्ता गरिएको अधिकारकर्मी सिंहको भनाइ छ।
नगरपालिकाको नगर सभाको उद्घाटन सत्र पश्चात आफू नगर सभामा आफ्ना माग ज्ञापन पत्रमा लेखेर अधिकारकर्मीसंगै जान खोजे तर आफुलाई सो नगर सभामा प्रवेश गर्न नदिएपछि आफुहरुले तालाबन्दी गरेको उनले बताइन् । उनले वृन्दावनकै वडा नम्बर ८आँकडपाथरमा आफ्नै निजिनाउमा रहेको ८ कठा जमिन दान गरि सो जमिनमा अनाथआश्रम बनाउन र महिला सिप विकासको नाममा बृन्दावन नगरपालिकाका सबै वडाहरुमा प्रति वडा १५ लाखको दरले रकम विनियोजन गर्न माग गरेको नगर प्रमुख रामस्नेही यादवले बताए ।
आफुले आवश्यकताका आधारमा रकम विनियोजन गर्न प्रतिबद्धता जनाएपनि नगद कारोवार गर्नु पर्ने माग प्रभा सिंहले अघि सारेको नगर प्रमुख यादवले जनाए । आफ्नो निजी स्वार्थका लागी नगरपालिकाको सेवा प्रवाहमा अवरोध गरेको नगर प्रमुख यादवले दावी समेत गरे ।उनले भने, समस्या समाधान वार्ताबाटै हुने भएकाले छिट्टै ताला खुल्ने नगर प्रमुख रामस्नेही राय यादवले बताए ।
फेसबुकबाट तपाईको प्रतिक्रिया !