सुजिताको दाहसंस्कार : श्रीमानले दिए दागवत्ती

महोत्तरीको लोहरपट्टी नगरपालिका ७ भ्रमरपुराकी हत्या भएको एक महिनापछि शव फेला परेको २६ वर्षीया सुजिता ठाकुरको सोमबार राति अन्तिम संस्कार गरिएको छ ।

शव गाडिएको ठाउँमै दाहसंस्कार गरिएको छ । दागवत्ती श्रीमान मुकेश ठाकुरले दिएका हुन् । उनलाई पनि प्रहरीले नियन्त्रणमा लिएको थियो । तर काजक्रियाका लागि प्रहरीले छाडेको बुझिएको छ ।जेठ २० गतेदेखि बेपत्ता सुजिताको शव दुईदिन अगाडी मात्र शौचालयको ट्यांकीभित्र फेला परेको थियो । उनको हत्यामा आफ्नै देबर, ससुरा, देवरानीसहितका संलग्नता रहेको भन्दै माइत पक्षले किटानी जाहेरी प्रहरीमा दर्ता गराइसकेको छ । जसमध्ये देबर रुपेशसहित केहि व्यक्ति मात्र पक्राउ परेका छन् ।

news/photo: shirishnews.com