धनुषामा आँप बगैंचामा एकजना पुरुषको शव फेला

धनुषामा आँप बगैंचामा एकजना पुरुषको शव वेवारिशे अवस्थामा फेला परेको छ ।

धनुषाको मिथिला नगरपालिका-८ जमुनिवास नजिक बिहिबार साँझ अन्दाजी ५५ वर्षीय पुरुषको शव फेला परेको हो । मृतकको दायाँ आँखाको ‘आँखी भौ’ नजिक सामान्य चोट देखिएको इलाका प्रहरी कार्यालय ढल्केवरका प्रहरी निरीक्षक प्रदीप सुवदीले जानकारी दिए । मृतकको पहिचान खुल्न नसकेका कारण सनाखत हुन सकेको छैन । मृतक पुरुषको शव पोष्टमार्टमका लागि प्रादेशिक अस्पताल जनकपुर पठाइएको प्रहरी निरीक्षक सुवेदीले बताए ।

news/photo:  todaypati.com