सप्तरीको छिन्नमस्ता मन्दिरबाट भगवतीको चाँदीको मुकुट चोरी

सप्तरीको छिन्नमस्ता गाउँपालिकास्थित प्रसिद्ध छिन्नमस्ता सखडेश्वरी शक्तिपीठमा रहेको भगवतीको चाँदीको मुकुट (मस्तक) चोरी भएको छ ।

आज साँझ करिब सवाँ ७ बजेतिर चाँदीको मुकुट चोरी भएको ईलाका प्रहरी कार्यालय सखडाका सई राम पुकार महतोले जानकारी दिए । साई महतोका अनुसार साँझ पुजारीहरु पोखरीतिर सरसफाईमा व्यस्त रहेको बेला भगवतीको चाँदीको मुकुट चोरी भएको हो । मन्दिरको मुकुट चोरी गर्नेको खोजी कार्य तीव्र रुपमा भइरहेको जिल्ला प्रहरी कार्यालय सप्तरीका प्रवक्ता एवं डिएसपी माधव प्रसाद काफ्लेले जानकारी दिए ।