जनकपुरको पुलचौक देखि यदुकूहाको बाटोमा पर्ने घर टहराहरु हटाउन ७ दिने सूचना जारी

हुलाकी राजमार्ग निर्देशनालय अन्तर्गत पर्ने जनकपुरको पुलचोकदेखि यदुकूहासम्मको शहिदपथमा पर्ने घर टहराहरु हटाउन सूचना जारी गरिएको छ ।

शहिदनगर नगरपालिकाको वडा नं. ३ को कार्यालयले एक पत्र जारी गर्दै पुलचोक यदुकूहाको भठ्ठीचोकसम्म रहेको सडकको मध्यभागदेखि ८ मिटर दायाँ र ८ मिटर बाँया ७ दिनभित्र खाली गर्न सूचना जारी गरिएको हो । हुलाकी राजमार्ग निर्देशनालयको पत्रलाई उदृत गर्दै वडा कार्यालयले यदुकूहाभित्र केही दुरीमा सडक बनाउन बाँकी रहेकोले सो सडक यथाशिघ्र खाली गर्न सूचना जारी गरेको हो ।

इलाका प्रहरी कार्यालय यदुकूहा, इलाका प्रशासन कार्यालय यदुकूहा र सशस्त्र प्रहरी बल यदुकूहालाई बोधार्थ गर्दै वडाध्यक्ष नागेन्द्र मण्डलले सो सूचना जारी गरेका छन् । news/photo:enewsbureau.com