प्रदश नं २ का अस्थायी राजधानी जनकपुरधामको सडकमा छाडा चौपायाको विगविगी बढेपछि नगरका विभिन्न सडकहरु अस्तव्यस्त वन्दै गएको छ ।
सांढे देखि लिएर घरमा पालिने गाईबस्तुहरु सडकमै त्यसै छाडिदिने कारणले गाइवस्तुहरु छाडारुपमा सडककै विचमा वस्ने गरेको देखिएको छ । यसरी सडकको विचमा गाइवस्तुहरु बसिदिदा दुर्घटना पनि बढदो अवस्थामा रहेको छ । यता छाडा चौपायाको जनकपुरधाममा आतंक रहदा पनि सम्वन्धित निकाय वेखवर रहेको देखिएको छ । ट्राफिकले स्थानियतहको काम र स्थानिय तहले ट्राफिकको काम भनेर पन्छिएपछि नगरवासी तथा मन्त्रालयका कामका लागि जनकपुरधाम धाउने सर्वसधारणहरुलाई हिडडुल गर्न पनि समस्या भएको छ ।
यस भन्दा पहिले छाडारुपमा छाडिने गाइवस्तु धनीलाई जरिवाना लगाउन थालेपछि छाडा चौपायाको सडकम कमी भएपनि अहिले सम्वन्धित निकायले ध्यान दिन छाडेपछि पुन अवस्था अस्तव्यस्त वनेको छ । अति नै व्यस्त रहेको जनकपुरधाम शहरलाई व्यवस्थित वनाउनका लागि सम्वन्धित निकायलाई यस समस्या प्रति गम्भीर बन्नु पर्ने स्थानियवासीहरुको भनाई रहेको छ ।
फेसबुकबाट तपाईको प्रतिक्रिया !