सुनको मूल्य आज प्रतितोला ७ सयले घट्यो

नेपाली बजारमा आज सुनको मुल्य प्रतितोला ७ सय रुपैयाँले घटेको छ । 

नेपाल सुनचाँदी व्यवसायी महासंघका अनुसार आज छापावाल सुनको प्रतितोला ९० हजार ५०० रुपैयाँमा कारोबार भइरहेको छ ।  हिजो छापावाल सुनको मूल्य ९१ हजार २०० रुपैयाँ थियो । यस्तै, तेजाबी सुनको प्रतितोला मूल्य आज ९० हजार कायम भएको छ । 

चाँदीको मूल्य भने ४ दिनदेखि स्थिर छ  । चाँदी प्रतितोला १२ सय रुपैयाँमा कारोबार भइरहेको छ ।