जलेश्वर । संविधान दिवस– २०७८ को अवसर पारेर जलेश्वर कारागारबाट १० जना कैदी बन्दलाई रिहा गरिएको छ ।
राष्ट्रपति बिद्यादेवी भण्डारीले मुलुकी फौजदारी कार्यविधी संहिता २०७४ अनुसार देशभरका ५ सय २३ कैदीबन्दीहरुलाई आम माफी दिएका हुन । जलेश्वर कारागारमा रहेका ९ जना पुरुष र एक जना महिला कैदीबन्दी आइतबार घर फर्केका छन् । रिहा भएकाहरु मध्ये एक महिला तथा चार जना पुरुष कर्तव्य ज्यान मुद्दाका रहेका थिए ।
पाँच जना सवारी ज्यान मुद्दाका कैदी बन्दी रहेको कारागार प्रमुख गणेश मिश्रले जानकारी दिए । रिहा हुनेहरुमा धनुषा जिल्लाको रामलक्षण यादव तथा सुन्दर यादव , दिलिप महतो , र संजय पंडित रहेका छन भने सर्लाही जिल्लाको शैल देवी रहेकी छिन । त्यसै गरि महोत्तरीका रामप्रकाश महरा , धनुषाका सत्यनारायण मुखिया , ज्ञान बहादुर छ्याछ्यापे (मगर ) , महोत्तरीका महादेव मण्डल तथा कैयुम नदाफ आईतबार कारागारबाट विदा भएका हुन । उनीहरुलाई फुल माला लगाएर विदा गरिएको जेलर मिश्राले बताए ।
रिहा हुनेहरुमा डेढ वर्षदेखि ९ वर्ष सम्मको सजाय काटेका कैदीबन्दीहरु रहेको मिश्रले जनाए ।
फेसबुकबाट तपाईको प्रतिक्रिया !