प्रदेश २ का मुख्यमन्त्री लालबाबु राउतले प्रदेशसभाबाट विश्वासको मत पाएका छन् । मुख्यमन्त्री राउतले ७७ मत पाएका छन् । उनको विपक्षमा २३ मत परेको हो ।
सभामुख सरोज कुमार यादव र उपसभामुख उपमा देवले तटस्थ बसिन् । सभामुख सरोज कुमार यादवले संविधानको धारा १८८ को उपधारा ३ बमोजिम मुख्यमन्त्री राउत विश्वासको मत पाएको घोषणा गरेका छन् ।
प्रदेश २ मा कुल १०४ साँसद छन् । जसमध्ये प्रमुख सत्तारुढ दल जसपा तथा सत्तारुढ नेपाली काँग्रेस, नेकपा माओवादी केन्द्र र सरकारमा जाने तरखरमा रहेका नेकपा एकिकृत समाजवादीका साँसदहरुले सरकारको पक्षमा मतदान गरेका छन् ।
नवगठित लोसपा र नेकपा एमालेका साँसदहरु विपक्षमा मतदान गरेको बुझिएको छ । प्रमुख सत्तारुढ जसपाबाट महन्थ ठाकुर अलग भएर लोसपा गठन गरेका कारण मुख्यमन्त्री राउतलाई विश्वासको मत लिनुपरेको छ ।
फेसबुकबाट तपाईको प्रतिक्रिया !