लामो समयदेखि सवारीसाधनको लागि बन्द रहेको भिठ्ठामोड नाका सुचारु भएको छ ।
शनिबार बिहानदेखि दुबै तिरका सवारीसाधनको आवतजावत सहज भएको जिल्ला प्रशासन कार्यालय महोत्तरीका सहायक प्रमुख जिल्ला अधिकारी एवम् सूचना अधिकारी उपेन्द्र न्यौपानेले जानकारी दिए । सवारीसाधन सहितको आवागमन सुचारु गरिएपनि भारतबाट नेपाल तर्फ आउनेलाई कोरोना जांच अनिवाार्य गरिएको न्यौपानेले बताए । जलेश्वर नगरपालिका, जिल्ला प्रशासन कार्यालय महोत्तरी र जिल्ला समन्वय समितिका पदाधिकारी समेतको सहभागितमा रहेको टोलीले शुक्रबार नाका खुलाउन हेल्थ डेस्क (कोरोना जाँच्ने स्थल) राख्ने निर्णय गरेको थियो । दूबै तिरका भन्सारले पनि प्रक्रियागत रुपमा राजश्व काट्न थालेपछि सवारी आवागमन सुचारु भएको हो ।
फेसबुकबाट तपाईको प्रतिक्रिया !