वडाध्यक्ष महतो घुस सहित अख्तियारको फन्दामा

महोत्तरीका एक वडाध्यक्ष १० हजार रुपैयाँ घुससहित अख्तियारको फन्दामा परेका छन् ।

मटिहानी नगरपालिका वडा नम्बर –५ का वडाध्यक्ष रामबहादुर महतो आइतबार दिउँसो १० हजार घुस सहित अख्तियारको फन्दामा परेका हुन् ।

जन्मदर्ता प्रमाणितको सिफारिस दिए बापत १० हजार रुपैयाँ घुस लिइरहेको अवस्थामा अख्तियार दुरुपयोग अनुसन्धान आयोग बर्दिवासको टोलिले वडाध्यक्ष महतोलाई रँगेहात पक्राउ गरेको हो ।

महतोलाई १० हजार रुपैयाँ लिसकेको अवस्थामा रकम सहित उनकै कार्यकक्षबाट नियन्त्रणमा लिएको अख्तियारले जनाएको छ । वडाध्यक्ष महतोमाथि थप अनुसन्धान गरिरहेको अख्तियारले जनाएको छ ।