धनुषा : घाँस काट्न गएकी महिलाको घाँटी रेटेर मार्ने प्रयास, महतो फरार

धनुषामा एक महिलाको घाँटी रेटेर मार्ने प्रयास भएको छ ।

धनुषाको विदेह नगरपालिका ६ गिद्धा बस्ने रामबहादुर मण्डलकी श्रीमती ५५ वर्षीया जमुन देवीको छुराले घाँटी रेटेर मार्ने प्रयास भएको हो । शुक्रबार बिहान ११ बजे घाँस काट्न चौरमा गएकी जमुनदेवीको खुट्टामा लगाएको चाँदीको काँरा खोस्न स्थानीय भुट्टा चोर भन्ने ३५ वर्षका रामभजन महतोले घाँटी रेटेर मार्ने प्रयास गरेको प्रहरीचोकी तिनकौरियाले जानकारी दिएको छ ।

छुराले घाँटी रेट्न थालेपछि कराउँदा महतो छाडेर भागेका थिए । स्थानीयले जमुनदेवीको उद्धार गरी तत्कालै उपचारको लागि प्रादेशिक अस्पताल जनकपुरमा भर्ना गराएका छन् । फरार भुट्टा चोर (रामभजन महतो)को खोजी भइरहेको प्रहरीले जनाएको छ ।

news/photo : todaypati.com