जनकपुरधाम । पाँच वर्षीया बालिकालाई यौन शोषण गरेको आरोपमा हजारी जनक संस्कृत विद्यापीठ जनकपुरधाम उपमहानगरपालिका–८ उपप्रध्यापक कपिलदेव मण्डल पक्राउ परेका छन् ।
बालिकालाई यौन शोषण गरेको आरोपमा मण्डललाई शुक्रबार प्रहरीले पक्राउ गरेको हो । जउनपा–८ स्थित मण्डलको घरमा डेरा लिई बस्दै आएका सिरहा जिल्ला नरहा गापा–३ का देवेन्द्र यादवकी पाँच वर्षीया छोरीसंग गएको डेढ महिनादेखि मण्डलले यौन शोषण गर्दै आएको तथ्य खुलेको छ । गणेश पूजाको मौका छोपी उपप्रध्यापक मण्डलले आफ्नो छोरीको यौन शोषण गरेको पीडितका बुवा यादवले बताए ।
उनका अनुसार पटक पटक उनले छोरीलाई यौन शोषण गरेको छ । बालिका खेलिरहेको बेला उनीसंग यौन शोषण गर्दै आएपनि छोरीको यौनांङमाघाउ भएपछि आफुले जानकारी पाएको पीडितका बुवा यादवले बताए । आर्थिक रुपमा विपन्न यादवले न्यायको लागि प्रहरी समक्ष गुहार्दै आएका छन् । तर सुनुवाई नभएको उनको गुनासो छ ।
यसैबीच घटना सार्वजनिक भएपछि मण्डललाई प्रहरीले पक्राउ गरी अनुसन्धान अगाडि बढाएको जिल्ला प्रहरी कार्यालय धनुषाका सूचना अधिकारी जितेन्द्र बस्नेतले बताए । जाहेरी दिएपछि कारवाही प्रक्रिया अगाडि बढाउने उनले थपे । पीडित यादवले घटना मिलाउन रकमको प्रलोभन दिएको आरोप लगाए ।
उपप्रध्यापक मण्डलले आफन्तहरु मार्फत आर्थिक प्रलोभन दिएको उनले बताए । स्थानीय बाल्मिकी युवा क्लवले पीडितलाई दुई लाख लिएर घटना मिलापत्र गर्न दबाब दिएको पंचायतीमा सहभागी एक स्थानीयले बताए । घटना मिलाउन मण्डलका आफन्तहरुले धम्की समेत दिएको पीडितका बुवा यादवले बताए । प्रादेशिक अस्पताल जनकपुरधाममा शुक्रबार पीडित बालिकाको मेडिकल चेकजाँच गरिएको छ ।
मेडिकल रिपोर्ट आएपछि कारबाही प्रक्रिया अघि बढाउने जिल्ला प्रहरी कार्यालयका सूचना अधिकारी बस्नेतले बताए ।
फेसबुकबाट तपाईको प्रतिक्रिया !