एकाबिहानै सडक छेउमा यादव मृत अवस्थामा फेला

सिरहा : जिल्लाको चोहर्बा सिरहा सडकखण्ड अन्तर्गत नरहा गाउँपालिकाको वडा नम्बर २ बलुवामा एकाबिहानै एक पुरुष मृत भेटिएका छन् ।

पानबारी चोकदेखि बलुवाको बीचमा विहिबार विहान करिब ७ बजेको समयमा स्थानीयहरुले पुरुषको लास देखेपछि प्रहरीलाई खवर गरेको थियो । प्रहरीले त्यहाँ घेराबन्दी गरी मुचुल्का उठाउने कार्य गरिरहेको छ । ईलाका प्रहरी कार्यालय विष्णुपुरको प्रहरी टोली अहिले घटनास्थल पुगेर अनुसन्धान थालेको हो ।

अन्दाजी ७० बर्षिय वृद्धलाई सवारीले ठक्कर दिएर घटनास्थलमै मृत्यू भएको हुन सक्ने अनुमान गरिएको छ । मृतक सिरहाको विष्णुपुर गाउँपालिका वडा नम्बर २ राजपुर कौवहा बस्ने अन्दाजी बर्ष ७० को किशुन यादव रहेको प्रहरीले जनाएको छ । उनको सनाखत उनका नाती सुलेन्द्र यादवले गरेका छन् ।

बुधबार साँझ घरबाट निस्केको यादव विहिबार बिहानै सडक छेउमा मृत अवस्थामा फेला परेको हो ।

news/image: enewsbureau.com