प्रदेश २ भरी भ्रष्टचारविरूद्ध जनमत पार्टीको प्रदर्शन

प्रदेश २ भरी जनमत पार्टीले भष्ट्राचारविरुद्ध प्रदर्शन गरेको छ । प्रदेश २ का जिल्लाहरुमा शुक्रबार जनमत पार्टीले भष्ट्राचारविरुद्ध मशाल जुलुससहित प्रदर्शन गरेको हो ।

प्रदर्शनको क्रममा प्रहरीले रौतहटमा हस्तक्षेप गरी प्रदर्शनकारीलाई तितरबितर पार्ने प्रयास गरेको थियो । डा सिके राउत नेतृत्वको जनमत पार्टीको केन्द्रीय कार्यकारी समितिले घोषणा गरेको सताव्यापी आन्दोलनका कार्यक्रम अन्तर्गत आज धनुषा, सप्तरी रौतहट लगायत प्रदेश २ का जिल्ला र सदरमुकामहरुमा पार्टीका नेता तथा कार्यकर्ताहरुले मशाल जुलुस प्रदर्शन गरेका हुन् ।

मशाल जुलुस हुन नदिन रौतहटको सदरमुकाम गौरस्थित बिपी चोकमा प्रहरी प्रशासनले प्रयास गरेपनि प्रदर्शन सफल पारेको पार्टीका जिल्ला अध्यक्ष ज्वाला रणवीर (विवेक) ले बताए । त्यस्तै, पर्सा जिल्ला को सदरमुकाम वीरगञ्ज मा जनमत पार्टीको कार्यकर्ताले मशाल जुलुस निकालने क्रममा प्रहरीले हस्तक्षेप गरेको छ ।

news reference : janatasamachar.com/facebook Dr. CK Raut – सचिवालय