युवालाई खाडी मुलुक पठाउनु दुःखद : डा. सीके राउत

लहान । जनमत पार्टीका राष्ट्रिय अध्यक्ष डा. सीके राउतले युवाहरुलाई शिक्षा र रोजगार दिनुका सट्टा सरकारले खाडी मुलुक पठाइरहेकोमा दुःख व्यक्त गरेका छन् ।

सिरहाको कल्याणपुरमा आयोजित जनमत पार्टीको नगरसभा उद्घाटन समारोहमा अध्यक्ष राउतले भने, ‘जन्मदर्ता र अपाङ्ग प्रमाणपत्र बनाउन वडामा जाँदा हजार वा ५ सय लिन्छन् । तर सरकारले फ्रि भिसा र टिकट दिएर युवाहरुलाई विदेश जा भन्छन् । शिक्षा र रोजगार दिने सरकारको नीति नै छैन् ।’ उनले युवाहरुलाई गुलाम बनाएर सरकार मरुभूमिमा पठाएको आरोप पनि लगाए ।

विदेश पठाउनुलाई उनले मानव तस्करीको संज्ञा दिए । ३० वर्ष अगाडी नेपाल समृद्ध रहेको दावी गर्दै उनले भने, ‘देश समृद्ध बनाउछ भनेर काँग्रेस, एमाले, माओवादी र जसपालाई सबैले जिताएर पठाएकै हो । तर उनीहरुले केहि गर्न सकेन । झन स्थिति बिगार् यो ।’ उनले विगतमा पेट पाल्न कसैलाई दुबइ, कतार र मलेसिया जस्ता देश जानु पर्दैन्थ्यो भन्दै अहिले पेट पाल्न यूवाहरुलाई विदेश जाने बाध्यता सिर्जना भएको बताए ।

उनले विदेश नगई घरमा चुलो नबल्ने स्थितिमा नेताहरुले नै पुर्याएको भन्दै ती नेताहरुबाट अब सचेत हुनुपर्ने धारणा राखे । जनकपुरमा भ्रष्टाचारको आरोप लगाउँदै कर्मचारीलाई र्दुव्यवहार गरेपछि जनमत पार्टी र अध्यक्ष डा. सीके राउत अहिले चर्चामा छन् । सोही कारण जनमत पार्टी बाहेकका नेता कार्यकर्ता पनि राउतको भाषण सुन्न त्यहाँ पुगेका थिए ।

please follow us for more news and information.