स्टिल फर्निचर शो रुममा आगलागी, लाखौंको क्षति

सिरहामा एक स्टिल फर्निचर शो रुममा आगलागी हुँदा लाखौंको क्षति भएको छ ।

गोलबजार नगरपालिका ६ स्थित ज्योती स्टेशनरीले सञ्चालन गरेको फर्निचर शो रुममा सोमबार अपराहन्न आगलागी भएको हो । आगलागीबाट शो रुममा रहेको स्टिल दराज, टेवल, फर्निचर निर्माणमा प्रयोग हुने फम, म्याट, कार्पेट लगायतका सामाग्र जलेको हो ।

आगलागीबाट करिब १२ लाख मूल्य बरावरको सामाग्री जलेर नष्ट भएको इलाका प्रहरी कार्यालय गोलबजारले जनाएको छ । गोलबजार नगरपालिका ६ दोहटियाका योगेन्द्र यादबको घर भाडामा लियर सञ्चालन गरेको शो रुममा विद्युत सर्ट भएर आगलागीभएको हुनसक्ने प्रहरीले अनुमान गरेको छ ।

आगलागी गोलबजार नगरपालिकाको बारुण यन्त्र र प्रहरीको सहयोगमा एकघण्टा पश्चात नियन्त्रणमा आएको हो । घटना विषयमा थप अनुसन्धान भइरहेको इलाका प्रहरी कार्यालय गोलबजारका प्रहरी निरीक्षक सन्तोष राईले जानकारी दिए ।

news/photo : todaypati.com