कोरोनाको नयाँ भेरियन्ट ‘अमिक्रोन’ को आतंक, भारतसहितका देशले नयाँ स्वास्थ्य निर्देशिका जारी गर्दै

विश्व स्वास्थ्य संगठन (डब्ल्युएचओ)ले कोरोना भाइरसको नयाँ भेरियन्टलाई ‘अमिक्रोन’ नाम दिएको छ ।  सुरुमा यस भेरियन्टलाई बी.१.१.५२९ नाम दिइएको थियो। अमिक्रोन भेरियन्टलाई लिएर डब्ल्युएचओले चिन्ता पनि व्यक्त गरेको छ । डब्ल्युएचओले चेतावनी दिँदै अम्रिकोन भेरियन्ट तीव्र गतिमा र धेरै संख्यामा म्युटेन्ट हुनेवाला भेरियन्ट भएको बताएको छ ।
 
नयाँ भेरियन्ट दक्षिण अफ्रिकाका २४ नोभेम्बरमा भेटिएको थियो । यसको साथै बोत्सवाना, बेल्जियम, हङकङ  र इजरायलमा पनि यस भेरियन्टको पुष्टि भइसकेको छ। अमिक्रोन भेरियन्ट भेटिएसँगै विश्वका धेरै देशले दक्षिण अफ्रिकामा आवातजावत गर्न प्रतिबन्ध लगाएका छन् । बेलायत, अमेरिका, भारत लगायतका देशहरूले प्रतिबन्ध लगाइसकेका छन् । शुक्रबार डब्ल्युएचओले दक्षिण अफ्रिकाका सबै प्रान्तमा यस भेरियन्टका केस बढिरहेको बताएको छ । 

‘संयुक्त राष्ट्रको स्वास्थ्य निकायले एक बयानमा यो भेरियन्ट निकै तीव्र गतिले म्युटेन्ट भइरहेको भन्दै चिन्ता व्यक्त गरेको छ । डब्ल्युएचओले नयाँ भेरियन्टको प्रभाव बुझ्न केही समय लाग्ने जनाएको छ । बेलायतका एक शीर्ष स्वास्थ्य अधिकारीले चेतावनी दिँदै नयाँ भेरियन्ट विरुद्ध खोपको प्रभाव कम हुने बताएका छन्। अमिक्रोन भेरियन्ट फेला परेपछि भारतले अन्तराष्ट्रिय उडानमा कडाइ गर्ने निर्णय गरेको छ । यस्तै नागरिक उड्डयन मन्त्रालय, गृह मन्त्रालय र स्वास्थ्य मन्त्रालयले संयुक्त रुपमा नयाँ निर्देशिका जारी गर्ने तयारी गरिरहेको समाचार एजेन्सीहरुले जनाएका छन् । 

अमिक्रोन भेरियन्ट डेल्टा भेरियन्टभन्दा कयौं गुणा संक्रमक रहेको विज्ञहरु बताउछन् । त्यसैले यस भेरियन्टका लागि कोरोना भाइरसविरुद्ध अहिले उपलब्ध खोपहरु कतिको प्रभावकारी हुन्छ भन्ने आमचासो बढेको छ ।  यसैबीच खोप उत्पादक कम्पनी फाइजर र बायोएनटेकले नयाँ भेरियन्टविरुद्धको खोप आगामी १ सय दिनभित्रै तयार हुने जनाएको छ । अहिले नयाँ भेरियन्टबारे आवश्यक डाटा संकलन र अध्ययन भैरहेको कम्पनीले जनाएको छ । 

Please follow us for more news and information.