सडक छेउको नहरमा पुरुषको लास फेला

सर्लाहीमा शुक्रवार दिउँसो ह त्या गरि पानीमा फालिएको अवस्थामा एक पुरुषको लास बरामद भएको छ । जिल्ला प्रहरी कार्यालय सर्लाहीका अनुसार कौडेना गाउँपालिका लक्ष्मीपुर निबासी राम ईश्वर राउतका ३० वर्षीय छोरा शत्रुधन राउतको लास फुलपरासी र गोडैताको बीचमा पर्ने हुलाकी सडकको छेउमा रहेको नहरको खाल्टोमा घोप्टो परेर आधा पानीमा डुबेको अवस्थामा मृत फेला परेको हो।

मृतकका बुवा रामईश्वर राउतका अनुसार छोरा घरको छानो बनाउने काम गर्ने मजदुर रहेको र लास फेला परेको एकदिन अगाडी बिहिवार बिहान ७ बजे छोरा काम गर्न गएको थियो ।काम गर्न गएको छोरा अबेर रातीसम्म घर नआए पछि चारै तिर पत्ता लगाउँदा पनि पत्ता नलागेको र हराएको भोली पल्ट शुक्रवार बिहान पनि पत्ता लगाउँदा फेला नपरेपछि बेलुका त घर आउँछ होला भनि दैनिक काममा लागेर दिउँसो खेतमा काम गर्दै गर्दा गाउँका केही ब्यक्तिहरुले फुलपरासी र गोडैताको बीचमा पर्ने हुलाकी सडक छेउको नहरको पानीमा एक पुरुषको लास फेला परेको छ भन्ने जानकारी पाए पछि हेर्न जाँदा उक्त लास आफ्नै छोराको रहेको थाहा पाएको रामईश्वरले बताए।

घटनाको विषयमा छानबिन भइरहेको जिल्ला प्रहरी कार्यालय सर्लाहीले जनाएको छ।

Please follow us for more news and information.