महोतरी क्षेत्र नं. ३ को कांग्रेस अधिवेशनमा धाँधली भएकाले मान्य नहुने !

कांग्रेस महोतरी क्षेत्र नं. ३ को अधिवेशनमा धाँधली भएकाले मान्य नहुने एक पक्षले जनाएको छ । शनिबार जनकपुरधाममा पत्रकार सम्मेलनमार्फत महोतरी कांग्रेसका नेताहरु निर्वाचन अधिकृत धिरेन्द्र मण्डललाई गुण्डाशैलीमा अपहरण गरि प्रमाणपत्र खोसेको र ढल्केवरको एक होटलमा गएर प्रमाण पत्र वितरण गरि अधिवेशन भएको प्रचार गर्नु अपराध रहेको भन्दै आफुहरु नमान्ने बताएका छन ।

उनीहरुले निर्वाचन अधिकृत मण्डलले आफुसंग प्रमाणपत्र खोसेर लगेको भन्दै लिखित पत्र नै लेखेर दिएकाले अधिवेशन बैधानिक नमानिने बताए । पत्रकार सम्मेलनमा महोतरीका सचिव शम्भु पाठक, नगरसभापती अशोक साह, क्षेत्री सभापतीका आकांक्षी मनोज झा सहितको उपस्थिती थियो । उनीहरुले वर्तमान क्षेत्रीय सभापती रामचन्द्र तिवारीले गुण्डाशैली अपनाएर प्रमाणपत्र निर्वाचन अधिकृत र प्रमाणपत्र अपहरण गरेको भन्दै खोरेजीको मांग गरेका छन् ।

प्रमाण वितरणको तस्वीर हेर्दा एक होटलको रहेको र त्यसमा निर्वाचन अधिकृत समेत नदेखिएकाले समेत अपहरण पुष्टी हुने उनीहरुको दावी छ ।

Please follow us for more news and information.