टिकटक बन्द गर्नुपर्ने माग गर्दै जनकपुरधाममा युवाहरुले गरे प्रदर्शन

जनकपुरधाममा स्थानीय युवाहरूले सामाजिक सञ्जाल टिकटक बन्द गर्नुपर्ने माग गर्दै प्रदर्शन गरेका छन् ।

टिकटकमा अश्लिलता प्रदर्शन गर्नुका साथै संस्कृतिसमेत बिग्रिरहेको भन्दै युवाहरूले संघर्ष समिति बनाएर प्रदर्शन गरेका हुन् । टिकटक बन्द गर्नुपर्ने, टिकटकमा अश्लिल भिडियो बनाउनेलाई कारवाही गर्नुपर्नेलगायतका माग गर्दै उनीहरूले बिहीबार स्थानीय जनकचोकमा प्रदर्शन गरेका छन् । उनीहरूले टिकटकलाई बन्द गर, टिकटक भगाउ, आफ्नो देश बचाउ लगायतका नारा लेखिएको प्लेकार्ड समेत बोकेर प्रदर्शन गरेका हुन ।

टिकटकमा अश्लिलता बाहेक अन्य केही नदेखिएको र यसले समाजमा विकृति फैलाइरहेकाले बन्द गर्नुपर्ने आवश्यकता रहेको उनीहरूको भनाइ छ । यसअघि युवाहरूले टिकटक बन्द गर्नुपर्ने माग गर्दै जिल्ला प्रशासन कार्यालय, जिल्ला प्रहरी कार्यालय र स्थानीय सरकारलाई ज्ञापनपत्र समेत बुझाएका थिए ।

मधेस प्रदेशको रौतहट, महोत्तरी र सप्तरी जिल्लामा पनि स्थानीय युवाहरूले टिकटक बन्द गर्नुपर्ने माग गर्दै प्रदर्शन गर्नुका साथै ज्ञापनपत्र बुझाएका थिए । पडोसी देश भारतमा सरकारले विगत लामो समय पहिलानै टिकटक एप बन्द गरिसकेको छ ।

please follow us for more news and information.