धनुषा : दिदी बहिनीलाई बेहोस बनाई बाला त्कार गर्ने साहलाई १२ वर्ष जेल सजाय

मेन्द्रनगरकी नबालक दिदी बहिनीलाई बेहोस बनाई बाला त्कार गर्ने राजकुमार साहलाई जिल्ला अदालत धनुषाले १२ वर्ष जेल सजाय र पाँच लाख क्षतिपूर्ति तिर्नुपर्ने फैसला सुनाएको छ ।

सोमबार जिल्ला अदालतका न्यायाधीश नारायण प्रसाद सुवेदीको एकल इजलाशले सो फैसला सुनाएको हो । एक साता अघि न्यायाधीश सुवेदीकै इजलासले कसुर ठहर भएको फैसला सुनाएको थियो । क्षीरेश्वरनाथ नगरपालिका –५ का साहले ०७६ बैशाख १५ गते दिउसो दिदी बहिनीलाई बेहोस बनाई बाला त्कार गरेका थिए ।

बेहोस दुबै जनालाई बनाए पनि साहले जेठीलाई बलात्कार गरेका थिए । ०७६ जेठ ८ मा जिल्ला अदालतमा यी मुद्दा दर्ता भएको थियो । साढे तीन वर्ष समय लागेर फैसला भएको यी मुद्दामा ३१ वटा पेशी चढेपछि मुद्दा किनारा लागेको छ । राजनीतिक संरक्षणमा अदालतले डिएनए परीक्षणको लागि मुद्दा अल्झाएर राखेको थियो । पछि अर्कै प्रमाणको अधारमा अदालतले फैसला सुनाएको हो ।

please follow us for more news and information.