गिनिज बुकमा नाम भएका धनुषाका डा.नवल पजियारद्वारा जनकपुरधाममा निःशुल्क सेमिनार हुँदै

गिनिज बुकमा नाम रिकर्ड गराएका धनुषाका डा.नवल पजियारद्वारा जनकपुरधामामा निःशुल्क ‘मेमोरी एण्ड माइण्ड पावर’ सेमिनार आजबाट सुरु भएको छ ।

आज देखि भदौ ३० गतेसम्म जनकपुरधामस्थित उद्योग वाणिज्य संघको सभाकक्षमा पजियारको निःशुल्क सेमिनार हुन लागेको हो। सेमिनार दिउँसो ३ बजे देखि बेलुका ६ बजसम्म हुने जनाईएको छ । सेमिनारमा दिमागी स्मरण शक्ति बृद्धि गर्ने तरिका, व्यक्तिको नाम र अनुहार सम्भ्mिने तरिका, परीक्षामा सफल बन्ने वैज्ञानिक तरिका, व्यापार बृद्धिकलाको साथै सुखी जीवन जिउने कला, व्यक्तित्वबृद्धि लगायत अन्य धेरै उपयोगी विषयहरु समेटिएको डा. पजियारले बताएका छन ।

नेपालको विभिन्न ठुला सहरका साथै भारत, अमेरिका, थाइल्यण्ड, सिंगापुर, दुबइ लगायत दर्जनौं देशमा डा. पजियारले समिनार गरिसकेका छन । डा.पजियारद्वारा गरिएको ‘मेमोरी एण्ड माइण्ड पावर’ सेमिनारमा पूर्व प्रधानमन्त्री डा.बाबुराम भटट्राई, पुष्पकमल दहाल, अभिनेता राजेश हमाल लगायत दर्जनौं मन्त्री तथा कलाकारहरु सहभागी भएको र प्रशंसा गरेका छन । उनको सेमिनारमा भारतीय अभिनेता अमिताभ बच्चन, जितेन्द्र कुमार, करिश्मा कपुर, अजय देवगण, गोबिन्दा सहित दर्जनौं नेता तथा अभिनेताहरु सहभागी भईसकेका छन ।

डा. पजियारले सबै भन्दा बढी फरक अंकहरुलाई कम समयमा स्मरण गरेर गिनिज बुकमा आफ्नो नाम रिकर्ड गर्न सफल भएका हुन । उनलाई नेपालसहित देशभरका विभिन्न संघसंस्था, सैक्षिक निकायहरुले सम्मान गरेको छ । डा. पजियारले अन्तराष्ट्रिय स्तरमा आफ्नो र नेपालको नाम चिनाएका छन ।

please follow us for more news and information.