नेपाल पिछडा वर्ग (ओबीसी) महासंघको केन्द्रीय अधिवेशन जनकपुरधाममा शुरु

जनकपुरधाम । नेपाल पिछडा वर्ग (ओबीसी) महासंघको केन्द्रीय अधिवेशन जनकपुरधाममा शुरु भएको छ । शुक्रबारदेखि शुरु भएको अधिवेशन शनिबार नयाँ कार्य समिति चयन गर्दै सम्पन्न हुने छन् । संस्थाको केन्द्रीय अध्यक्ष महेन्द्र प्रसाद साहको अध्यक्षतामा भइरहेको अधिवेशनमा संगाठनिक प्रतिवेदन र आयव्यय पनि प्रस्तुत हुने छन् ।

कार्यक्रम उद्घाटन सत्रको प्रमुख अतिथि मधेश प्रदेशको सभामुख रामचन्द्र मण्डल थिए । उनले कार्यक्रमलाई सम्बोधन गर्दै शिक्षामा जोड दिन सुझाब दिए । सामाजिक व्यवहार र शिक्षाको विकास भए नभए समाजमा जातिगत विभेद कायम रहने उनले बताए ।

पछाडि परेको व्यक्तिलाई आर्थिक रुपम उकासनु पर्ने भन्दै उनले रोजगारीको लागि पनि पैरवी गर्न उनले सुझाब दिए । कार्यक्रममा अधिवेशनको संयोजक बबिता चौधरी, ओबीसीको प्रवक्ता शशि कुमार महतो, केन्द्रीय सदस्य रविन्द्र कुमार यादव लगायतको उपस्थिति रहेको थियो ।

please follow us for more news and information.