चुरे तथा वनजंगल संरक्षण अभियानद्वारा मुख्यमन्त्रीलाई ज्ञापन, माग र मुद्दा प्रति सम्वेदनशिल हुन आग्रह

चुरे तथा वनजंगल संरक्षण अभियानले आफनो माग र मुद्दा प्रति ध्यानाकषर्ण गराउने उदेश्यले मधेश प्रदेशका मुख्यमन्त्री सरोज कुमार यादवलाई ज्ञापनपत्र वुझाएको छ ।

अभियानका राष्ट्रिय संयोजक सुनिल कुमार यादवको अगुवाईमा बुधवार गएको टोलीले मुख्यमन्त्री यादव काठमाण्डौ गएको अवस्थामा कार्यालयका सचिवलाई ज्ञापनपत्र वुझाएको छ । ज्ञापनपत्रमा अभियानले उठाएका जनताको मौलीकहक प्रति सम्वेदनशिल भएर त्यस्को कार्यान्वयनका लागि पहल गर्न उठान गरिएको छ ।

त्यसैगरि अभियानका टोलीले बुधवार नै धनुषाका प्रमुख जिल्ला अधिकारी केशवराज दाहाललाई समेत शान्तिसुरक्षाका लागि ज्ञापन वुझाएको छ । अभियानले विहिवार देखि सुरु गर्न गइरहेको अनिश्चितकालीन धर्ना कार्यक्रममा हजारौको संख्यामा सर्वसाधारणहरुले सहभागीता जनाउने र रातदिन त्यहि विताउने भएकोले शान्तिसुरक्षाका लागि पहल गर्न ज्ञापन वुझाएको अभियानका संरक्षक तथा समाजीक अभियन्ता सरोज रायले बताएका छन । अभियानका संयोजक सुनिल कुमार यादवको अगुवाईमा गएको टोलीमा समाजीक अभियन्ता सरोज राय, सल्लाहकार संजय कुमार साह, संस्थाका प्रेस सल्लाहकार प्रमोद साह लगायतको उपस्थिती रहेको थियो ।

अभियानले गत सोमबार पत्रकार सम्मेलन मार्फत आफ्ना मांग एवम आन्दोलनका कार्यक्रमबारे जानकारी गराएको थियो ।

please follow us for more news and information.